MajmusSunda News, Kota Bandung, Jawa Barat, Senin (5/5/2025) – Sunda, budayana, dumasar temuan arke’ologi geus aya leuwih ti 100.000 taun. Lain re’k pakolot-kolot supa. Bisa jadi Sunda te’h sajaman jeung Benua Atlantis nu geus carem (the lost continental).
Ceuk panalungtikan arke’ologi Ame’rika Selatan, Prof. Arysio dos Santos, ieu benua te’h perenahna di Laut Jawa ayeuna.
Plato, pilsup Yunani nyebutkeun di Benua Atlantis kungsi hirup bangsa Lemuria.
Geura, apan Lemuria te’h bisa dihartikeun lembur dia.
Ngade’nge’ “ramalan” paraastronom sadunya kome’t Halle’y bakal ngadeukeutan Bumi taun 2062, urang Sunda mah ukur colohok.
Boga kasakte’n naon paraastronom te’h make’ bisa noong ka ka jaman kahareup ?
Naha e’ta te’h kle’nik atawa uga ?
Boa-boa paraastronom te’h meuleum menyan nu hargana mahal heula bisa ngaluarkeun uga kitu te’h ?
Ramalan astronom te’h saenyana dumasar itungan matematika.
Ku ngagunakeun matematika bisa dipre’diksikeun kumaha kaayaan sabudeureun alam semesta, ngeunaan plane’t, be’ntang jeung galaksi se’je’nna.
Ku itungan matematika oge’ urang bisa ngira-ngira kajadian nu bakal datang.
Nu Maha Kawasa nyiptakeun alam jeung pangeusina sarwa teratur.
Naha ari urang Sunda balilu kitu dina matematika ?
Abah Ali Sastramidjaja ngabuktikeun urang Sunda saenyana pinunjul dina matematika astronomi.
Pananggalan Sunda anu diguar deui ku Bah Ali, ceuk Mudji Raharto, astronom ti Boscha Le’mbang, tingkat akurasina 138 kali leuwih akurat batan pananggalan Mase’hi nu ku urang dipake’ sapopoe’ ayeuna.
Tim Kala Sunda, ngaluarkeun deui Kale’nder Sunda sangkan urang Sunda nu tipoporose’ hayang boga jati diri wanoheun deui kana pinunjul luluhurna dina matematika astronomi nu sakitu he’batna bari rumusna basajan pisan.
Bage’a Kala Sunda 1962 Caka, muga ginuluran rahayu, raharja, waluya salawasna, Rampe’s Rampa Salira.*
Wilujeng Hari Lembaga Sosial De’sa (LSD) 5 Me’i.
*******
Judul: Taun Anyar Sunda
Penulis: Ir. Roza Rahmadjasa Mintaredja, M. Ars (Arsitektur, Anggota Tim Kala Sunda & Pinisepuh MMS)
Editor: Asep Ruslan
