MajmusSunda News, Rubrik SASTRA, Senin (09/12/2024) – Puisi dalam Rubrik SASTRA berjudul “Janari Wekasan” ini ditulis oleh: Mang Dadan Dania, seorang penulis produktif yang berdomisili di Cicalengka, Kabupaten Bandung.
Ngageuri wanci janari …
lain pédah asakan teu nyari …
lain pédah kadaharan bari …
tapi haté teu daék walagri …
Bereyek budak …
andékak murak burayak …
caleuhak najan teu katepi mais ciak …
Seuweu nu mangkak …
kapiharep hirup hareup …
mugia marakbak …
najan huap kurang kerep …
Geus maneuh …
Romadon wekasan boga baju weuteuh …
sataun dua kali maksakeun …
neudeun pakeun, ganti raksukan …
saban lebaran jeung munggaran taun ajaran …
Teuteup anteb …
kana pameunteu anu naraptap …
anu masih kumétap …
Siwi anaking …
arinya jaga sing luhung …
tong kabawa muyung …
Mun Romadon pamit …
mun lebaran indit …
naon anu kagamit …
salian haté anu ngajerit?
Waktu ngagayuh ka subuh …
beuki marudah …
ngarahuh teu puguh dalah …
nuyun dosa nu bayuhyuh …
ranggah nyangga guligah …
Gusti, ieu abdi lugay …
ngarunday munajat …
ngaranggeuy tobat …
malar haté teu beueuy…
sangkan iman teu baleuy …
leuleuy ngareumbeuy hirup nu reunggeuy …
Cicaléngka, Romadon 1431
***
Judul: Puisi “Janari Wekasan”
Penulis: Mang Dadan Dania
Editor: Chye Retty Isnendes
Sekilas tentang penulis
Dadan Dania atau akrab disapa Mang Dadan lahir di Wanaraja, Kabupaten Garut pada 7 Maret 1957. Ia menghabiskan masa kanak-kanaknya di Pesantren Wanaraja, kemudian aktif dalam organisasi Pelajar Islam Indonesia (PII) mulai dari tingkat ranting sampai tingkat Pengurus Besar 1983 1985.
Alumni Fakultas Ushuludin Jurusan Perbandingan Agama IAIN Sunan Gunung Djati Bandung ini menggiatkan diri dalam pendidikan dan pelatihan keislaman bersama beberapa sahabatnya, di antaranya Nina Surtiretna, Anne Rufaidah, dan Rachmat Taufiq Hidayat.
***
